12 yil kutilgan köprik: Kim Çen In Xitoyga ötdi

Şimoliy Koreya rahbari Kim Çen In yaqinda oçilgan köprik orqali Xitoyning çegaradagi Dandong şahriga yetib keldi.

Janubiy Koreyaning Yonhap axborot agentligi Janubiy Koreya hukumatidagi manbaga tayanib xabar berişiça, Kim Çen In şanba kuni Xitoyning çegaradagi Dandong şahriga yangi oçilgan köprik orqali kelgan. «Kim bugun ertaroq "Yangi Yalu" köprigi orqali Dandongga yetib keldi», — deb yozdi Yonhap.

Taşrif ikki davlatni bağlovçi köprik qurib bitkazilganidan 12 yil öttib, rasman oçilganidan taxminan bir hafta söng böldi. Bu köprik Osiyo giganti bilan uning yadro qurolli kiçik qöşnisi örtasidagi iqtisodiy aloqalarni yanada çuqurlaştiradi. Janubiy Koreya OAV xabarlariga köra, tört yölakli köprik 2014-yilda qurib bitkazilgan, biroq Şimoliy Koreya tomonida ulanadigan yöllar va bojxona inşootlari yöqligi sababli uni oçiş keçiktirilgan. Xitoy — Şimoliy Koreyaning eng yirik savdo hamkori va bu yopiq davlat uçun muhim diplomatik, iqtisodiy hamda siyosiy tayanç, garçi ikki davlat aloqalari har doim ham silliq keçmagan bölsa-da.

Kim Çen Inning Xitoyga söngği maʼlum taşrifi 2025-yil sentabrida bölgan: u Pekindagi Ğalaba kunining 80 yilligiga bağişlangan tantanalarda iştirok etib, Xitoy Raisi Si Szinpin bilan sammit ötkazgan. Si Szinpin esa iyun oyida Şimoliy Koreyaga davlat taşrifi bilan borgan. Bu taşrif munosabatlar yaxşilanayotganining belgisi sifatida baholangan.