Özbekiston va AQŞ 12 milliardlik kelişuvlar tuzdi

AQŞ Davlat kotibi Marko Rubio Samarqandga kelgan kuni Özbekiston va AQŞ umumiy qiymati taxminan 12 milliard dollar bölgan 54 ta kelişuv va istiqbolli taşabbusdan iborat paketni şakllantirdi.

19-oktyabr kuni Samarqanddagi "Kongress markazi"da "Özbekiston–AQŞ biznes va investitsiya kengaşi"ning ikkinçi yiğilişi bölib ötdi. Unda Prezident Şavkat Mirziyoyev, AQŞ Davlat kotibi Marko Rubio, AQŞ prezidentining Janubiy va Markaziy Osiyo böyiça maxsus vakili Serjio Gor hamda Prezident Administratsiyasi rahbari Saida Mirziyoyeva, şuningdek AQŞdan kelgan 200 dan ortiq biznes yetakçisi qatnaşdi. Mirziyoyevning aytişiça, yiğilişga tayyorgarlik jarayonida 45 ta özbek vazirligi va idorasi bilan birgalikda keng kölamli iş olib borilgan, har bir kompaniya davlat organlari, hududiy hokimliklar va yetakçi özbek korxonalari orasidan aniq hamkor topgan. Natijada umumiy qiymati taxminan 12 milliard AQŞ dollari bölgan 54 ta kelişuv va istiqbolli taşabbusdan iborat paket şakllantirilgan.

Prezident ikki davlat hamkorligining istiqbolli yönalişlari sifatida muhim minerallar, energetika, raqamli texnologiyalar va sun'iy intellektni tilga oldi. «Özbekiston va AQŞ ortasidagi munosabatlar hozir hamkorligimiz tarixidagi eng yuqori darajaga yetdi», — dedi Şavkat Mirziyoyev. U loyihalarni amalga oşiriş uçun kompleks harakatlar rejasi işlab çiqişni, investorlar bilan "plug and play" tamoyiliga asoslangan yangi model böyiça işlaşni hamda 2035-yilgaça mölljallangan savdo, investitsiya va texnologik hamkorlik böyiça qöşma dastur tayyorlaşni taklif qildi.

Marko Rubio Prezident Donald Tramp bu munosabatlarga ustuvor ahamiyat berayotganini ta'kidladi va Özbekiston yil oxirida AQŞda bölib ötadigan G20 sammitiga kuzatuvçi sifatida taklif qilinganini eslatdi. «Bugun – katta qadam. Bu hamkorlik ösadi, şuning uçun bunga körikib oling», — dedi Rubio. Şuningdek, Özbekiston NASAning koinotni tinç yöllar bilan özlaştiriş böyiça "Artemida kelişuvlari" (Artemis Accords)ni imzolagan 77-davlat bölgani rasman ma'lum qilindi.